是晚8時半入座，已經坐無虛席！
章魚小丸子 二人份 $128
有步驟比你一步一步跟住玩！
當落完單，侍應哥哥就送上燒八爪魚既爐同配料：八爪魚、洋蔥、紅蘿蔔、泡菜同粉漿。期待左咁耐既我當然急不及待要開始玩！
侍應哥哥會先響每個重要步驟開始前示範2-3粒章魚丸既製作過程，咁我地就可以萬無一失地跟到足咁做，再發揮自己既小創意（我放左啲飯入去）！
自己燒既章魚丸好處係我可以控制丸既外層既軟硬度，我燒到佢外脆內軟非常有口感；另外我仲好鐘意加大量既紫菜同木魚絲，相信其他餐廳好難滿足到我！
滿腹套餐 $88
顧名思義，呢個套餐真係好飽肚，好啱怕食唔飽既你！
《石鍋豬肉泡菜飯》
泡菜飯賣相吸引，除左豬肉外仲有大豆芽、泡菜、菠菜同生雞蛋。比較鐘意食辣既我就叫店員額外附上辣醬，攪拌完更惹味。飯質感唔會太軟而有口感，呢個價錢確實抵食！
《韓國冷麵 （小）》
冷麵看似平平無奇，但口感非常煙軔！冷麵上附有半隻旦同適量泡菜，而麵汁帶微微酸辣味道，開胃清新！
豆腐沙律 $58
呢個沙律好開胃，$58份量非常足夠2人分享。豆腐滑溜而芝麻醬香味四溢
