影片
更多
2009-10-10
16 瀏覽
食神嫂嘅好友大圈牛一, 相約飯局來賀壽, 師傅亦有幸成為坐上客, 實屬榮幸; 要知道大圈嘅口味其實一d都唔難, 皆因師傅同大圈食飯唔多過六次, 就已經同佢打過兩次邊爐, 所以再細問食神嫂後, 大圈果然又係揀打邊爐! 於是師傅同食神嫂齊齊諗下, 有咩好地方, 最後師傅搵到呢間食店, 發覺口碑好到不得了, 十二個食評, 十二個笑臉, 平均分達四點一分, 真係唔講得笑, 所以點都要試試, 於是訂左五位!遲左少少先去到, 皆因唔係太識路所以要搵下, 當然唔使好耐就搵到啦! 入到去店內唔算好大, 而安排嘅座位亦甚好, 單邊靠牆, 冇咁易撞黎撞去, 正呀; 一坐底大家就開始睇下有咩好食啦, 最後壽星大圈提議招牌鴨湯做湯底, 大家都讚成, 於是又係到抉擇要一隻鴨定半隻鴨; 其實一隻同半隻都係差三十蚊, 加上師傅覺得鴨身唔會太大隻, 所以就話要一隻, 點知呢個大圈唔知係驚食唔晒定係其他, 話要半隻, 擾攘左一陣都係唔理大圈, 照叫一隻鴨穩陣d! 揀完湯底當然係到揀食物啦, 最後揀左手切肥牛, 招牌餃, 魚扣, 筒蠔, 鱔片, 酒釀雞丸, 魚皮餃, 豬皮, 午餐肉, 龍蝦丸, 鵝腸, 油墨菜同唐生菜!
遲左少少先去到, 皆因唔係太識路所以要搵下, 當然唔使好耐就搵到啦! 入到去店內唔算好大, 而安排嘅座位亦甚好, 單邊靠牆, 冇咁易撞黎撞去, 正呀; 一坐底大家就開始睇下有咩好食啦, 最後壽星大圈提議招牌鴨湯做湯底, 大家都讚成, 於是又係到抉擇要一隻鴨定半隻鴨; 其實一隻同半隻都係差三十蚊, 加上師傅覺得鴨身唔會太大隻, 所以就話要一隻, 點知呢個大圈唔知係驚食唔晒定係其他, 話要半隻, 擾攘左一陣都係唔理大圈, 照叫一隻鴨穩陣d!
揀完湯底當然係到揀食物啦, 最後揀左手切肥牛, 招牌餃, 魚扣, 筒蠔, 鱔片, 酒釀雞丸, 魚皮餃, 豬皮, 午餐肉, 龍蝦丸, 鵝腸, 油墨菜同唐生菜! 叫完野食就係弓等嘅時間, 於是食神嫂就夾起碟前菜黎食, 而反應係幾好味, 於是師傅就問係咩黎, 最後知道係貢菜, 一d醃制食物, 師傅又試少少, 發覺入口辣辣地, 又幾爽口, 都幾得意! 其時個鍋都煲左一陣, 大家都開始手痕, 就打開個蓋睇下個鴨湯係點先; 而當時大圈又講左句, 一隻鴨都係得咁少! 好彩師傅堅持要一隻, 不過說實話師傅又唔覺得隻鴨細或少, 絕對接受到!
伙計見我地打開左個蓋就話個湯可以飲架, 隨即每人分一碗, 效率奇高! 好, 就先試下個鴨湯底, 湯底鴨味好重, 但又唔酥, 仲要唔油, 味道夠濃, 不錯; 而個伙計仲好好咁問仲要添飲嗎? 如果唔需要就加番d湯落去, 服務殷勤有禮, 不錯; 先飲湯後打邊爐, 咁樣一鍋二食師傅都係第一次, 不過又覺得幾特別, 唔錯; 其實飲湯期間食物都不斷送上, 所以飲完湯後, 等多一陣就已經可以開餐喇!
先講下手切肥牛, 通常手切肥牛都唔係咁好味, 原因係一放落個鍋度一陣, 入口時已經好韌; 但呢度嘅手切肥牛又真係有另一番風味, 將牛肉灼一陣就食得, 牛肉雖談不上有甚麼牛肉香味, 但新鮮味道絕對食得到, 加上入口非常鬆軟, 少少韌嘅感覺都搵唔到, 好真係好好味, 前後柯打左兩碟, 師傅覺得係必食推介! 而招牌餃亦都係師傅覺得必食, 叫得招牌餃應該有d計, 試左後師傅第一個感覺係好味, 但好味喺邊呢? 招牌餃餡料有木耳同九菜加少少肉, 皮薄而餡料夠香夠爽,加上九菜味唔會過多, 連師傅一向唔鍾意食九菜都覺得好好味, 正呀!
筒蠔同鱔片亦都係高水準, 筒蠔都幾大隻, 入口半點苦味都冇, 加上非常新鮮, 而蠔身夠肥美, 膏亦夠多, 真係食完一隻再一隻, 不過師傅食到有少少沙, 令口感驟降, 但冇聽到其他人有問題, 相信係師傅不幸啫, 打邊爐有呢d筒蠔真係掂架; 而鱔片一碟得六片, 師傅無意間講左句得咁少, 可能比呢度老闆聽到, 佢就同師傅講呢度嘅鱔片係非一般鱔片, 皆因係咸水鱔? 師傅素來對鱔都冇研究, 但既然講到咁又試下啦, 一吃之下當然係分唔出係咸水定淡水啦, 但鱔片真係切得薄, 冇骨加上入口唔腥, 師傅覺得食得過!
酒釀雞丸亦係一樣比較特色嘅食物, 酒釀雞丸有少少似爆漿牛丸, 只不過釀入雞丸裡面應該係花雕酒, 將成粒手打酒釀雞丸放入口度慢慢咬開, 發覺雞丸都幾爽口彈牙, 而裡面熱辣辣嘅花雕溶入整個口腔, 好香好好味; 不過食呢粒丸要好小心, 因為雞丸內裡太滾, 如果太大力咬開, 相信會整熟成個口腔; 午餐肉本來應該係不值一提, 但偏偏師傅又覺得好得, 因為入口勁香勁惹味, 加上好耐打邊爐都冇得食, 所以特別加分; 鵝腸本應都唔打算, 因為太肥, 但經食神夫婦介紹下, 師傅先知鵝腸肥就等如新鮮, 於是又試下, 發覺灼完後, 一d肥膏都冇, 而且勁爽口, 超好味!
至於魚皮餃, 豬皮, 魚扣, 油墨菜同唐生菜師傅覺得冇咩特別, 當然唔差啦; 反而師傅嘅至愛龍蝦丸就令人失望, 龍蝦丸唔算爽口彈牙, 最慘就係入口後香都唔香, 完全冇左食龍蝦丸嗰種香同爽嘅感覺, 師傅希望呢間食店可以換過另一款龍蝦丸啦! 打邊爐啤酒汽水就少不免, 但呢度都唔算貴, 三蚊就有枝啤酒, 都抵飲架!
總括黎講食物質素出色, 打邊爐最緊要係湯底靚同配料新鮮, 呢度兩樣都做到, 而環境都舒服, 服務態度友善, 價錢唔係太貴, 五個人食咁多野, 埋單都係一千, 算抵食! 老三火鍋賀大圈相信能令壽星大圈滿意, 如果有機會師傅一定會黎呢間, 值得推薦! 如無意外呢個將會係呢間食店嘅身第十三個食評加第十三個笑臉!
張貼
