老鳳冰室 (已結業)

聽人講呢間老鳳冰室平靚正，今日經過就同朋友一齊黎試下。一入到黎覺得裝修好有心思，好有懷舊風情，連餐牌都係特別設計。同朋友叫左各自一個餐，朋友食嘅係火腿通粉配黑松露炒蛋多士，黑松露份量超多😍非常好味，質素遠超呢個價位（$42），性價比好高！我就叫左個沙爹牛肉米，配嘅係3.6牛乳炒蛋，炒蛋一樣都炒到好香滑，但我都係覺得黑松露個款更加好味，如果可以沙爹牛肉麵配黑松露多士就更perfect 啦😋加左杯凍檸茶（$8），味道唔太甜，好飲！加左個豬扒飽同蜜焦雞翼，豬扒包先20幾蚊，又係好抵食。至於雞翼大大隻有5隻咁多，仲有配沙律菜。本身以為蜜焦雞翼係類似蜜糖燒雞翼，但原來個汁係類似黑椒汁加蜜糖咁，又出乎意料地幾夾，而且雞翼炸得好香脆👍🏻總括而言，食物份量多，質素好，價錢唔貴，款式又多，環境亦舒適，下次經過都會再食👍🏻👍🏻