影片
更多
2018-11-27
53 瀏覽
今日落雨，跟住翻風，已經入秋喇，就心思思約老友去打邊爐，老友話佐敦有間抵食火鍋， 可以任食三個鐘 ，提議一齊去試下。任食火鍋有三個選擇，$188，$238同$288， 因為我唔飲酒，所以就揀了$238。$238係包括和牛刺身拼盤、海鮮靚牛拼盤、 招牌三寶丸、豬肉眼筋、任食配料和飲品任飲。室內環境寬敞舒適， 侍應服務亦非常殷勤，主動添湯換碟，抵讚。我揀咗個比較特別嘅湯底 ~ 雪蓮果椰子湯， 湯底清甜，我未食火鍋就先飲一碗靚湯滋潤一吓。招牌三寶丸係魚丸、墨魚丸和蝦丸，三種丸都非常彈牙。食火鍋前先送上和牛刺身拼盤，是日供應嘅刺身拼盤係赤貝、甜蝦、北寄貝、八爪魚、白身魚、墨魚和希靈魚，仲有和牛㖭。刺身好新鮮， 仲係用冰雪住上桌，可以慢慢食。海鮮拼盤有蝦、青口、脆肉鯇、生蠔，大蜆， 隻蜆都仲郁緊㗎。其他材料都唔錯，因為太多種類，我只叫少量嚟試，試完好味再encore， 無謂浪費食物。估唔到蝴蝶腩都有得食，少見！牛肉靚又好重牛味，必試魚蛋和特級墨汁墨魚丸都好爽，好好食，響鈴好香脆，應該係自家製嘅。汽水啤酒任飲，仲有酸梅湯同自家製甘筍粟米水，不太甜，夠滋潤。呢間任食火鍋最好嘅地方就係可以食足三個鐘頭
任食火鍋有三個選擇，$188，$238同$288， 因為我唔飲酒，所以就揀了$238。
$238係包括和牛刺身拼盤、海鮮靚牛拼盤、 招牌三寶丸、豬肉眼筋、任食配料和飲品任飲。
室內環境寬敞舒適， 侍應服務亦非常殷勤，主動添湯換碟，抵讚。
我揀咗個比較特別嘅湯底 ~ 雪蓮果椰子湯， 湯底清甜，我未食火鍋就先飲一碗靚湯滋潤一吓。
招牌三寶丸係魚丸、墨魚丸和蝦丸，三種丸都非常彈牙。
食火鍋前先送上和牛刺身拼盤，是日供應嘅刺身拼盤係赤貝、甜蝦、北寄貝、八爪魚、白身魚、墨魚和希靈魚，仲有和牛㖭。刺身好新鮮， 仲係用冰雪住上桌，可以慢慢食。
海鮮拼盤有蝦、青口、脆肉鯇、生蠔，大蜆， 隻蜆都仲郁緊㗎。
其他材料都唔錯，因為太多種類，我只叫少量嚟試，試完好味再encore， 無謂浪費食物。
估唔到蝴蝶腩都有得食，少見！牛肉靚又好重牛味，必試魚蛋和特級墨汁墨魚丸都好爽，好好食，響鈴好香脆，應該係自家製嘅。
汽水啤酒任飲，仲有酸梅湯同自家製甘筍粟米水，不太甜，夠滋潤。
呢間任食火鍋最好嘅地方就係可以食足三個鐘頭，好適合一班朋友來相聚吹水，唔會好似一般火鍋店咁，最多得兩個鐘時間，食完又要搵地方繼續傾偈，費時失事。呢間就可以一邊食，一邊慢慢傾計，好悠閒，絕無壓迫感，。
張貼
