影片
更多
2013-01-27
1835 瀏覽
今日約左老友記去飲茶食點心~真係開心~我地有几個朋友一齊,可以叫多D!!款式雖然唔算太多,叫做應有盡有!實而不華!呢到每碟點心都好堅,份量絕無欺場…只係唔知點解碟碟上枱都已經唔熱~連少少蒸氣都冇,有點失色…上湯鮮竹卷 – 雖然浸左湯, 但感覺到塊皮仲有少少脆~如果熱少少會更正~!蟹子燒賣皇 – 豬肉同冬菇味好勻混,唔會偏重某材料,肉質好豐富,要食兩啖先可以KO 佢叉燒腸粉 – 聲稱即拉腸粉~~ D皮好薄~D叉燒多到好似就夠包唔晒咁~真係堅~!!叉燒又大件~唔會好似出面酒樓咁’粹上’! 正~四寶鷄扎 – 四寶都好大件頭~ 好有咬口,芋頭夠林夠粉~冬菇又香又厚,鷄件又嫩滑,水準之作~上湯油菜 – 因為有老人家喺到,所以灼得比較林,而且漿油另上,夠細心脆炸豆腐粒 – 我的至愛~外脆內軟,SIZE大細適中,一啖一粒~正!! 可惜上碟已經唔熱~山竹牛肉球 – 大大粒!要食三啖先食得晒~而且好有牛肉味~加埋喼汁更加好味
上湯鮮竹卷 – 雖然浸左湯, 但感覺到塊皮仲有少少脆~如果熱少少會更正~!
蟹子燒賣皇 – 豬肉同冬菇味好勻混,唔會偏重某材料,肉質好豐富,要食兩啖先可以KO 佢
叉燒腸粉 – 聲稱即拉腸粉~~ D皮好薄~D叉燒多到好似就夠包唔晒咁~真係堅~!!叉燒又大件~唔會好似出面酒樓咁’粹上’! 正~
四寶鷄扎 – 四寶都好大件頭~ 好有咬口,芋頭夠林夠粉~冬菇又香又厚,鷄件又嫩滑,水準之作~
上湯油菜 – 因為有老人家喺到,所以灼得比較林,而且漿油另上,夠細心
脆炸豆腐粒 – 我的至愛~外脆內軟,SIZE大細適中,一啖一粒~正!! 可惜上碟已經唔熱~
山竹牛肉球 – 大大粒!要食三啖先食得晒~而且好有牛肉味~加埋喼汁更加好味
題外話/補充資料：
服務都唔錯..服務員好熱情有禮,只係動作慢左D,同埋佢地可能只係做’熟人’生意,見到我呢D路人甲招喚佢地,感覺會受到少少白眼看待..
另呢到仲可以免費做VIP,盡享每月優惠..
佢張VIP 咭喺全港 5 間分店可以使用 - 不過只限晚巿,
(以上食評乃用戶個人意見 , 並不代表OpenRice之觀點。)
張貼
