大紅袍火鍋料理 (已結業)

都有成個月冇返嚟。原本一坐低就叫金屋藏嬌，依依話佢哋嘅招牌唔係呢一個，我話食咗咁多年而家先講，佢極力推薦花膠螺頭金華火腿燉雞，咁好啦既然都係雞湯，我都冇抗拒嘅能力。不過我要講返一句，我都係鍾意金屋藏嬌多啲，因為佢哋有幾舊大冬瓜。而今日呢一個燉雞湯，佢真係一個燉雞湯，作為打邊爐嘅湯底，佢over左。如果你當佢只係燉雞湯咁飲， 你係會相當滿足。今日同行嘅朋友食得唔多野，所以淨係加咗炸響鈴炸魚皮同埋一份西洋菜。6:45坐低八點半準時還枱。