老媽拌麵 (THE FOREST) (已結業)

屋企總會有一大包老媽拌麵係廚房，特別係蔥油拌麵，蔥油拌麵係我老母既最愛🥰。今日經過旺角既The Forest先發現老媽拌麵開左分店，剛好今日同老母出街，順便試下老媽拌麵專門店嘅其他食物。旺角分店面積幾大，樓底高，空間感十足。- 老媽袐製麻辣鍋🥘一人鍋係期間限定，個人認為材料多於一人份量，材料包括麻辣鴨血、麻辣豆腐、豬肉丸、蟹子丸、魷魚、肥牛等等😋。肥牛肥瘦均勻，吸收左麻辣既精華變得更惹味。另外仲有關廟麵，口感煙韌彈牙，而且煮好耐都唔會變得淋晒。- 魷魚圈滷肉飯賣相幾精緻，仲有半隻溏心蛋同紫菜作點綴。滷肉飯同我想像中有啲出入，滷肉係一大件並非一粒粒🤔。至於魷魚口感彈牙，不過醬汁比較少。- 炸大雞扒雞扒好大份，外皮炸到好酥脆，肉質都多汁嫩滑。- 高麗菜豬肉水餃🥟水餃總共有七件，外形非常飽滿，證明入面餡料豐富，而且好多汁！- 冬瓜檸檬味道唔算太甜，飲完非常開胃。- 仙草凍奶茶雖然冇得選擇甜度，但飲落都唔會好甜。奶味香濃，仙草凍份量足夠👍🏻。除左拌麵之外，老媽拌麵嘅火鍋、水餃、炸雞扒都唔錯，價錢都公道。如果老媽拌麵開喺我屋企樓下，老母一定日日光顧🤣