南亭 (凱譽)

營業中

休息中

從來好喜歡食日本菜。位於尖沙咀棉登徑呢間老字號居酒屋，裝修唔算好奢華，不過以實力取勝，食物質素絕對有保證，性價比亦高🙌🏻前菜呢款柚子酸汁牛舌漬非常好味！將牛舌切成粒，不減嫩中帶爽口感，再加上柚子酸汁，令整件事更加開胃。叫左多款日式串燒。好喜歡燒豆腐，外脆內嫩，面頭仲有木魚碎；蘆筍豬肉卷，外層豬肉薄片好香，蘆筍汁平衡油膩感，而且增添口感；燒雞皮超級香口，常見嘅一道菜，但呢度整得好出色；月見免治軟骨雞肉棒當然必食，啖啖雞肉中加入脆口軟骨，再蘸上日本雞蛋，香滑非常；燒半熟和牛片，牛香肉嫩非常吸引。明太子燒飯團 ，大愛！燒得非常焦香嘅飯團，加入鹹香明太子，好味😻牛肉烏冬都好有質素，牛肉同烏冬份量都好多！湯底有牛香得來好清甜。