影片
更多
2015-05-24
5948 瀏覽
其實蓮香食晚飯都算幾平嘅，菜式都尚算見得下大場面，免開瓶費免茶免加一。佢話佢老字號唔厄人錢我都信嘅，不過我想佢明碼實價出返張單俾我睇佢唔肯出姐…話說我book位總共打咗3次電話，先有人得閑理我，預訂菜式嘅時候總共打左4次電話，每次都係同我講話唔得閑呀！你遲啲再打嚟啦！仲未計有一次打無人聽嘅！話說有好多菜式都要預訂，我book咗三圍枱佢叫我落＄1500訂，我叫經理寫埋成圍檯張菜單出來囉，佢話好忙啊，依家唔得閑寫，你自己記低左就得啦！咁我咪自己記低囉！我一直都唔知蓮香樓有咩雞好食，冇諗過叫雞，就係個經理問我要菜膽雞定貴妃雞，介紹我話佢哋嘅貴妃雞好食，咁我咪話每圍要一隻貴妃雞囉！都唔係我自己主動話要雞架啦！點知去到食果晚佢話冇同我落到訂，咁好啦，由於係我嘅記憶中係應該每台有一只雞嘅，咁我都係睇下我自己記錯定點check下單，想知道每一道菜嘅價錢，佢竟然答我「冇個喎！你哋三圍枱咁樣食冇得逐樣菜式出單個喎！」仲要好大聲，唔知佢咩原因要咁大聲講嘢！我班朋友都以為發生咩事？我唔明白點解唔可以用電腦出番單呢？就算你唔識用電腦你係咪逐個餸解釋比我聽幾多錢囉！點解要咁大聲係兇我先呢？埋單時我只表示想che
佢話佢老字號唔厄人錢我都信嘅，不過我想佢明碼實價出返張單俾我睇佢唔肯出姐…
話說我book位總共打咗3次電話，先有人得閑理我，預訂菜式嘅時候總共打左4次電話，每次都係同我講話唔得閑呀！你遲啲再打嚟啦！仲未計有一次打無人聽嘅！
話說有好多菜式都要預訂，我book咗三圍枱佢叫我落＄1500訂，我叫經理寫埋成圍檯張菜單出來囉，佢話好忙啊，依家唔得閑寫，你自己記低左就得啦！咁我咪自己記低囉！
我一直都唔知蓮香樓有咩雞好食，冇諗過叫雞，就係個經理問我要菜膽雞定貴妃雞，介紹我話佢哋嘅貴妃雞好食，咁我咪話每圍要一隻貴妃雞囉！都唔係我自己主動話要雞架啦！
點知去到食果晚佢話冇同我落到訂，咁好啦，由於係我嘅記憶中係應該每台有一只雞嘅，咁我都係睇下我自己記錯定點check下單，想知道每一道菜嘅價錢，佢竟然答我「冇個喎！你哋三圍枱咁樣食冇得逐樣菜式出單個喎！」仲要好大聲，唔知佢咩原因要咁大聲講嘢！我班朋友都以為發生咩事？
我唔明白點解唔可以用電腦出番單呢？
就算你唔識用電腦你係咪逐個餸解釋比我聽幾多錢囉！點解要咁大聲係兇我先呢？
埋單時我只表示想check 「貴妃雞」有否計錢，希望他出一張電腦計算每項菜式的單。但他們最後也沒出電腦計算單，只給我幾個看不明總數，再加句「我們老子號不騙人的」！
我個人喜歡「數目要分明」，為什麼不可出電腦單寫好每味菜的價錢？？所以和他爭辯了一輪，最後佢都係冇做到我想要嘅嘢，但係我費事嘥時間嗰少少錢就算啦！但係我覺得依家香港嘅社會，消費者係有權清楚知道自己寫嘅消費咖嘛？
一句話老字號唔呃人錢，但你又唔開單，
咁有咩證明呢？
不過，儘管最後他堅持沒電腦單，但今晚其實已經很平，每人＄150到。
本來我哋預咗錢去俾貼士架，但係因為佢哋嘅態度我啲朋友都叫我唔好俾啦！
我有啲朋友其實第一次幫襯嘅咋，不過應該唔會有第二次囉！
講返菜式：
大冬瓜盅
八寶鴨
金錢雞
焗魚腸
釀鯪魚
琵琶豆腐
金針雲耳牛𦟌煲
金銀蛋豆苗
荷葉飯
西米焗布甸
每樣菜式幾錢我唔知架，連佢哋都唔比我知我都唔去查考啦，反正都唔係好貴姐費事晒精神！
係咁多道菜式入面最難食嘅係金錢雞，我食過新蒲崗得龍大飯店嘅金錢雞係好好食嘅，有蜜糖嘅甜味叉豬潤有肉汁，肥豬肉都好爽，但係蓮香個啲叉燒乾爭爭冇蜜糖味好難食，肥豬肉竟然係好難咬得開嘅！
最多人讚嘅餸係釀魚，外皮皮脆。不過我唔鍾意佢入邊嘅碎骨。
我覺得呢一間酒樓唯一可取真係免開瓶費囉！食物方面冇乜特色，大把傳統酒樓正好食過佢，佢只不過去就去中環商業區啫！
另外值得一讚嘅係，我哋訂咗三圍枱，佢唔使我哋去到再等。
張貼
