陳記燒鵝花園餐廳

營業中

休息中

今日特登入黎食遠近馳名既深井燒鵝， 好耐無黎不過水準依舊。第一樣叫當然係燒鵝，叫左下庄、係雞脾位，佢既皮真係好脆，又唔會好肥，配粉同飯都好正呀真係。之後都有叫小菜。第一樣係通菜煲，拎上黎好熱、份量好多，食落仲要好新鮮，唔會過老。豉汁帶子豆腐既豉汁好惹味，帶子同豆腐淡淡，令豉汁既香味更突出，每粒都有大粒帶子，好正呀。另一樣係酸梅排骨，酸酸甜甜真係好開胃，可以撈十碗飯。排骨好大舊，就算炸左都唔會好乾身。咁多個餸又飽又好食！仲要價錢都好相宜，可以多啲黎喇之後。