金華燒臘大王 (已結業)

係中環搵野食唔難，但總係唔知食咩好，原本諗住食太興，但途中俾我見到金華!!!!記憶之中，金字頭既燒味都係正野黎，反正好耐冇食燒味，一於入黎一試!裝修夠哂中國風，係舊年代既味道，係冷氣唔係好夠.....睇佢menu，中環黎講60-70蚊一個碟頭飯算係咁普普通通點左個叉雞飯，另外點左碗例湯!花生眉豆豬肉煲雞腳~真係超足料但飲落覺得都幾味精，味道有點咸左少少叉雞飯不得不讚!!! 叉燒要左半肥瘦，食落仲有少少燶邊，香口得黎唔太燶雖然唔健康，但食少少既~叉燒肉味香，蜜汁份量岩岩好，飶口啖啖肉，又香又腍雞都唔錯，冇雪味，食落夠滑夠多汁，如果價錢平返三分一係旺角開，真係日日食都得!