檀島咖啡餅店 (軒尼詩道)

營業中

休息中

我個朋友話要食涼瓜火腩飯，我真係唔知喺邊度買，唯有試吓呢間老字號嘅茶餐廳╮(╯▽╰)╭其實呢間茶餐廳喺灣仔已經好耐，但係我都冇乜點幫襯過，極其量都只係試過佢哋嘅菠蘿包啊雞尾包咁。都係果句啦，疫情關係間舖頭裏面冇乜人。不過店員態度好好，又招呼我坐又叫我等吓。不過我發覺佢哋個冷氣機滴水 ಠ_ಠ個飯嘅份量好多，啲汁好重味，偏咸。亦食得出個火腩其實係隔夜嘅燒肉，不過都唔係太差嘅。佢哋而家做緊外賣八折，其實算係平㗎！或者我下次可以炒番個粉面飯，俾多次機會佢。