永年士多 (奧海城2期)

營業中

休息中

永年係元朗係一間老字號嘅車仔麵舖，估唔到連奧海城都有分店。招牌麵招牌麵有四款餸，包括有豬腸、蘿蔔、豬紅同魚蛋。豬紅口感細嫩爽滑，唔會一夾就散，豬腸處理得非常乾淨，蘿蔔炆得十分入味，魚蛋口感結實彈牙，帶陳皮回甘嘅味道，另外加了酸齋，酸酸甜甜好開胃。豬手蝦籽撈麵/牛筋腩蝦籽撈麵面層鋪港蝦籽，粗麵入口順滑，拌均蝦籽，鮮味十足。豬手滷得十分軟腍入味。牛腩味道濃郁，略帶嚼勁，牛筋滿滿骨膠原，滋味十足。紅豆奶茶/樽裝奶茶紅豆奶茶冰選用自家煮製紅豆蓉，大粒軟綿，入口香甜有口感。樽仔奶茶入口順滑，每日新鮮製造，絕無防腐劑，百分百原味道。