大慶燒味飯店 (已結業)

這間燒臘店，其實我已幫襯過十幾廿次，但每次都是賣外賣飯盒，帶回家吃；今日下晝，反正有時間，索性在店內坐低慢慢食，下午茶時間，原來咁歡樂叫了叉鴨瀨粉，一睇就知，足料大碗，叉燒及燒鴨各6件；半肥瘦叉燒，蜜汁味香甜，正！燒鴨皮薄香脆，多肉少骨，鴨肉鮮嫩，點些酸梅醬，味道更佳！瀨粉也很爽口，份量亦不少，與燒味的比例均等，配以少許椰菜，食吓食吓，就成碗食晒，超好味，超滿足！