深仔記 (已結業)

大埔食野一向都多選擇，今次就黎試下呢間近住太和站既麵店啦。舖位好顯眼，就係條大馬路已經見到，招牌都好醒神。先試牛筋腩河，d腩熬得好淋，而筋有嚼勁。而河粉係幼身偏碎，連湯食就岩晒。最正係個湯底，係好香濃既腩汁，味精味唔重。咸雞牛柏葉粥，雞果然夠咸而且好嫩滑，令到清淡既粥潤色不少，而牛柏葉係原始既黑色，而係平日所見漂完白既色，食落好放心。粥底熬得好鮮甜、軟身，係我至愛既質感。炸雲吞（細），雖然話係細，不過都有成六粒。炸得好脆，而脆皮帶點咸香，唔係平日酒樓個d主要食個汁既風格。炸鯪魚球（細），同樣都係有六粒。醃得好香，味道好有層次，會食得好香魚味既內裏，加上咸香既表面，再蘸埋蜆汁帶點鮮味，愛重口味既人必食。