京香餃 (已搬遷) 新店位置

大約係半個月前嘅事喇! 之前食過之後一直向同事推介，但同事們都覺得離公司太遠喇! 要山長水遠行上嚟堅道，想搵個傻仔陪我嚟食真係好難，估唔到呢日有個同事肯陪我上嚟，但真係估唔到原來係老店嘅最後一日(正確D講應該係半日)。如常的由SOHO方向行上來，坐低點好食物後，一位女待應以普通話同我地講，下午要到格離大廈的店!! 我思前想後，係唔係自己D普通話咁差，竟然聽錯此店嘅待應同客人推介其他食店?? 一堆問號在腦海中泛起，細問之下原來老店坐落嘅大廈要遷拆，店主已經係格離大廈開咗新店，呢日係最後嘅半日，做完午市就會關門搬走! 估唔到我同呢間老店都仲有點緣份!呢個食評係為咗記念呢間老店，一間外內都好有北京風味嘅老店。食物唔多講，因為以下嘅食評都已經講過晒，總之就係好味，好北京嘅風味，希望新店水準依然。