影片
更多
2011-07-31
20 瀏覽
媽媽係印尼華僑，香港印尼菜並唔多，睇到呢間咁多好評就趁媽媽生日帶佢同工人姐姐黎食家鄉菜真係百聞不如一見，真係好懷舊ｆｅｅｌ，門口仲有個姐姐話係印尼航空空姐既紙牌公仔唔知係咪有賣機票呢可能我地６點就到未到食飯時間，店內食客不多而且大部份都係印尼人，應該係星期日放假，心諗咁多印尼人應該都唔錯加多加多 可能係食唔慣，我，爸爸同細佬都覺得怪怪地 但姐姐話好好味，基本上全份比佢同媽媽掃哂特別炒飯 侍應姐姐話特別炒飯比印尼炒飯多ｄ餸，一於叫個特別炒飯 真係幾多料，上面有塊蝦片，有肉鬆，蝦等等 我特別中意食佢既酸青瓜，好開胃！串燒 串燒可以什錦，我地叫左雞牛羊各三（姐姐係度唔叫得豬肉） 串燒一出黎就聞到好香炭燒味，同出面食果ｄ好唔同 點埋隻醬一流雞翼 一客有４大隻，甜得黎又唔會好漏，正煎餅 有少少似印度薄餅，點埋佢個汁出奇地幾好食十五夜 呢個係姐姐食既，佢入面原來唔係飯係飯團，我地無份食，不過見姐姐食得咁開心應該都唔錯黃薑飯 本來唔敢食，因為我好怕薑味 但媽媽話黃薑飯唔會好重薑味，因為唔係平時係香港食果ｄ薑，試下啦咁 個飯幾清，
真係百聞不如一見，真係好懷舊ｆｅｅｌ，門口仲有個姐姐話係印尼航空空姐既紙牌公仔
唔知係咪有賣機票呢
可能我地６點就到未到食飯時間，店內食客不多
而且大部份都係印尼人，應該係星期日放假，心諗咁多印尼人應該都唔錯
加多加多 可能係食唔慣，我，爸爸同細佬都覺得怪怪地
但姐姐話好好味，基本上全份比佢同媽媽掃哂
特別炒飯 侍應姐姐話特別炒飯比印尼炒飯多ｄ餸，一於叫個特別炒飯
真係幾多料，上面有塊蝦片，有肉鬆，蝦等等
我特別中意食佢既酸青瓜，好開胃！
串燒 串燒可以什錦，我地叫左雞牛羊各三（姐姐係度唔叫得豬肉）
串燒一出黎就聞到好香炭燒味，同出面食果ｄ好唔同
點埋隻醬一流
雞翼 一客有４大隻，甜得黎又唔會好漏，正
煎餅 有少少似印度薄餅，點埋佢個汁出奇地幾好食
十五夜 呢個係姐姐食既，佢入面原來唔係飯係飯團，我地無份食，不過見姐姐食得咁開心應該都唔錯
黃薑飯 本來唔敢食，因為我好怕薑味
但媽媽話黃薑飯唔會好重薑味，因為唔係平時係香港食果ｄ薑，試下啦咁
個飯幾清，真係無乜薑味，而且個飯側邊仲有好多餸，一個人食應該會好開心
巴東牛肉 巴東牛肉用既係牛展，炆得好淋好入味
而且個汁用黎送飯真係一流！
珍多冰 我太飽啦飲唔落野，但媽媽同姐姐都叫左一杯珍多冰
試左一淡，好甜呀 但姐姐話係咁既味，仲一飲而盡
其實食完我都好奇怪，我本身做定心理準備今日餐飯會好辣但無一樣野係辣既
媽媽話原來其實係偏甜多過辣，反而佢地係中意自己放辣椒醬，見到姐姐大淡大淡辣椒咁落，我見到都有少少滴汗...
佢地連豉汁都係甜既不過幾好味幾特別，買左一支返屋企
店內做野既大部份都係年紀比較大既
都好親切，會叫我地趁熱食，飲珍多冰果陣又提我地要攪勻先好飲如果唔係下面全部都係糖
臨走老闆仲請我地食印尼糖
p.s. 隻咖啡糖幾好味
今餐媽媽同姐姐都食得好開心，可能係太耐無食家鄉菜
下次會再帶朋友黎試下
ＡＮＹＷＡＹ媽媽生日快樂
張貼