影片
更多
2021-06-14
125 瀏覽
喺Openrice book左18:45 同朋友上去打邊爐因為餐廳位置有少少難搵 兜左路所以遲左 全程勁趕咁用google map搵路 所以都忘記左打俾餐廳講聲會遲5-10分鐘🤦🏻♀️18:52 餐廳一個女人打黎問-佢：請問你地係咪黎緊架我：係呀係呀唔好意思呀 我地趕緊黎大概2分鐘就到佢：咁你快啲喎 你地book左6點半架喎(把聲已經係好唔滿意)我：下唔係喎我book左6點9 不過我地都趕緊過黎架喇 就黎到啦佢：但我見到你係book左6點半喎 我：但我真係book左6點9... 佢：咁你快啲啦 咁你都係遲到丫(把聲勁系)-明白依家生意難做 所以遲左少少我地都唔係幾好意思 已經勁趕咁去緊 但唔明點解個女人咁堅持係都要話我地book左6點半 電話中態度仲要幾差下 但其實check返openrice個record 我地真係book 6點9 未去到餐廳已經咁樣 之後更精彩上到餐廳 因為我地係6個人所以要分兩張檯我地就問個女人(就係打電話俾我嗰個 睇佢應該係老闆娘/經理黎) 我地可唔可以拍近少少🤏🏻方便講下野 心諗如果唔得就算佢當時都仲好有禮貌咁話 唔可以主動幫我地拍 但我地都唔可以太近 都要隔
因為餐廳位置有少少難搵 兜左路所以遲左
全程勁趕咁用google map搵路 所以都忘記左打俾餐廳講聲會遲5-10分鐘🤦🏻♀️
18:52 餐廳一個女人打黎問
-
佢：請問你地係咪黎緊架
我：係呀係呀唔好意思呀 我地趕緊黎大概2分鐘就到
佢：咁你快啲喎 你地book左6點半架喎(把聲已經係好唔滿意)
我：下唔係喎我book左6點9 不過我地都趕緊過黎架喇 就黎到啦
佢：但我見到你係book左6點半喎
我：但我真係book左6點9...
佢：咁你快啲啦 咁你都係遲到丫(把聲勁
系)
-
明白依家生意難做 所以遲左少少我地都唔係幾好意思 已經勁趕咁去緊 但唔明點解個女人咁堅持係都要話我地book左6點半
電話中態度仲要幾差下 但其實check返openrice個record 我地真係book 6點9
未去到餐廳已經咁樣 之後更精彩
上到餐廳 因為我地係6個人所以要分兩張檯
我地就問個女人(就係打電話俾我嗰個 睇佢應該係老闆娘/經理黎) 我地可唔可以拍近少少🤏🏻方便講下野 心諗如果唔得就算
佢當時都仲好有禮貌咁話 唔可以主動幫我地拍 但我地都唔可以太近 都要隔返條通道
我地就將張檯拍近左少少
但叫叫下野食 佢突然變左另一個人咁
勁燥底咁行埋黎拉返我地張檯去原來位置 話 你地唔可以咁樣架喎乜乜乜乜...
我地全部人黑人問號❓😑神又係佢鬼又係佢
-
野食方面 我地叫左每人$288嘅任食邊爐
(但唔知點解最後埋單每人都要$33x)
啲牛係幾好食 其他野食就正正常常
食材無咩特別 款式亦都唔多
其實主要都要賣緊個懷舊concept
仲要淨係可以食90分鐘
所以我地都覺得好唔值呢個價 性價比好低
因為呢個價錢嘅邊爐 其實唔suppose係食90分鐘 多數都係120分鐘
時間少都算 仲要食左1個鐘個女人已經同我地講last order
喺其他地方打邊爐其實都未試過仲有成半個鐘就已經叫last order 你話我地食得夜阻住收鋪就話啫
-
食淨15分鐘嘅時候 個女人已經係咁行埋黎提我地 個架上面仲有啲野食喎😇
成個感覺其實都幾差 好似覺得我地食佢好多野 想我地快啲食哂佢快啲走咁
到最後其實90分鐘唔係好食得切
雖然就黎清哂所有野食 佢見到我地仲食緊 但都係一分鐘都無俾多我地
岩岩好 真係岩岩好90分鐘(我有睇錶) 就趕我地走
-
所以overall 成餐飯真係覺得好差
其實出黎食飯食得開唔開心唔係淨係睇啲野食好唔好食
而係好多野加埋而得出嘅感受
食呢間野呢90分鐘俾我嘅感覺係
眼中只有錢 想你食最貴嘅價錢 勁趕住收檯快啲做下一轉客
而呢啲感受99%嘅來源都係嗰個老闆娘/經理
用字唔該前唔該後 但個詞氣態度係好差
呢啲先係最可怕 做佢啲伙記都幾慘
(利申: 其他伙記都好好態度👍🏻)
-
做餐飲服務態度真係好重要
決定你會唔會有回頭客
尤其係主管/老闆 唔係惡就大哂
所以我都唔係好明呢間野點解咁多好評
我地幾個朋友大家一致都話唔會再黎食
我真係未試過打一篇千字文食評 (連食評都未打過)
真係食到一肚氣
如果一班朋友想上呢間打邊爐真係三思
除非係純粹想上去打個卡
如果唔係我覺得絕對有更好選擇
完(嬲)
張貼
