湯煲私房火鍋

營業中

休息中

兩個無住家飯食嘅閨密相約飯聚，揀咗位於上環嘅湯煲私房火鍋，貪佢有啖老火湯飲吓。閨密話呢度經常爆滿，一定要預先訂位。店家有多款老火湯選擇，飲完湯先至開始打邊爐。落完單，店員拿來調料盤，俾客人自己選擇喜好調味。閨密推介加點醋落豉油裡，說是能解膩提鮮。揀咗天麻川芎白芷魚頭煲 ，這款湯水有祛風止痛的食療作用， 對女性尤其有益。材料有：大魚頭、天麻、川芎、白芷、淮山、紅棗、杞子及元肉。上枱之後，仲要煲8分鐘，先至可以飲湯架個湯越滾越香，奶白色湯水令人垂涎，飲落鮮甜順喉，有益又滋補飲完湯，店員幫忙把魚頭撈起，見到一大舊魚雲响度魚頭好大個，响街市買個咁嘅「大魚」頭都好貴。魚頭兩面煎過，無鯹味魚雲又香又滑食完魚頭已經有啲飽，夜晚又唔想食咁多，揀咗幾種火鍋配料。豬肉、羊肉、豬潤、豬粉腸、雞腸、秋葵同埋餃子。雞腸好肥美，洗得乾淨無異味羊肉薄切淥一淥就食得，有羊肉味又唔羶。豬梅肉半份，又係淥一陣就食得，肉香濃郁，口感嫩滑豬潤厚切好大好件秋葵新鮮好味廚師仲細心咁削去頭尾。味增大根黑豚餃，餡料特別，大根即係蘿蔔，蘿蔔絲混在豬肉中，令肉香中增添清甜，加上味增上嘅咸香，互補互惠，令味道昇華，好味如果味增輕一點更佳。