影片
更多
2018-01-04
12610 瀏覽
老爸叫左成個星期，話要黎呢到食午飯。今日叫埋阿哥抽時間陪佢黎。話說我老爸對食要求好高，事關佢八十幾歲，眼又矇，牙又無力，味覺又奇特，食乜都話有骨，食蛋又例必有蛋殼....同佢出街食飯仲麻煩過同阿媽。不過，佢出到聲話掛住呢到既薑醋喎，咁未陪佢羅。新樂其實好耐歷史，記得細個時都有同父母黎食過，而且價錢大眾化，所以老爸以前都成日同親友黎食。我地11點半walk in入去，點知佢地話今日好full, 要坐到最入。無法啦，不過老爸拿食物就好唔方便啦😥😥十二點先開始，可以食兩個鐘。唯有等下啦。未到十二點，已經坐滿人啦。不過，點解咁多長者既？？？唔好理咁多，衝呀🏃🏃🏃🏃呢到竟然有柚皮食，我都好耐無食過了，令我諗起兒時回憶。支竹羊腩，略為切得太細件，但對長者黎講就易入口，老豆食唔到d皮，但肉就食到。唔好忘記拿旁邊既腐乳呀。三文魚厚切，新鮮，每次取一份都有四件。估佢唔到，老爸竟然食到d田螺。佢呢到d田螺好稔，出面個d通常都會好有咬口，所以食多幾粒都唔怕傷胃。不過味就差左d，薯蓉食唔到牛油味，只有淡淡既螺肉味。牛俐好大塊，又俾煮到好淋身。老爸唯一食唔到既食物，佢食慣左幼身既菜莖，呢到d太粗身，佢食唔到。食
新樂其實好耐歷史，記得細個時都有同父母黎食過，而且價錢大眾化，所以老爸以前都成日同親友黎食。
我地11點半walk in入去，點知佢地話今日好full, 要坐到最入。無法啦，不過老爸拿食物就好唔方便啦😥😥
十二點先開始，可以食兩個鐘。唯有等下啦。
未到十二點，已經坐滿人啦。不過，點解咁多長者既？？？唔好理咁多，衝呀🏃🏃🏃🏃
呢到竟然有柚皮食，我都好耐無食過了，令我諗起兒時回憶。
支竹羊腩，略為切得太細件，但對長者黎講就易入口，老豆食唔到d皮，但肉就食到。唔好忘記拿旁邊既腐乳呀。
三文魚厚切，新鮮，每次取一份都有四件。
估佢唔到，老爸竟然食到d田螺。佢呢到d田螺好稔，出面個d通常都會好有咬口，所以食多幾粒都唔怕傷胃。不過味就差左d，薯蓉食唔到牛油味，只有淡淡既螺肉味。
牛俐好大塊，又俾煮到好淋身。
老爸唯一食唔到既食物，佢食慣左幼身既菜莖，呢到d太粗身，佢食唔到。
食物種類不算多，以上圖片已經佔左8成。fill食物速度都算快，間中會有新菜式出黎。食物都夠熱，冷盤都好新鮮，唯獨佢地既甜品蛋糕，賣相不吸引之如，口感仲好差，阿哥話d蛋糕好伏喎😂😂😂😂😂而我，亦終於明白，點解老爸鐘意黎呢到食，因為佢地既熱食全部煮到好稔，d食物夠熱又夠稔，牙力唔夠既都食到，唔怪之咁多長者黎食啦。
老爸最喜歡既豬腳薑，真係好入味，微辣，豬腳啖啖肉，肉質非常稔。阿哥自己都食左一大碗，連薑醋汁都飲晒。
椰子煲雞湯，雖然冇乜味，但都飲左一大碗，鬼叫冇自家湯飲咩。
d蝦好新鮮，肉質彈牙，蝦頭係有膏添呀。我仲表演左點用刀叉拆蝦殻俾阿哥睇，多得網上教學，三兩刀就可以搞點一隻，好方便，又唔會整污穢對手。
唔多欣賞既甜品
題外話/補充資料：
呢度冇長者優惠，只有成人和兒童價錢兩種。但，全部人都有八折。
想坐靜位，記得要先預約。
(以上食評乃用戶個人意見 , 並不代表OpenRice之觀點。)
張貼
