雪園飯店 (已結業)

上星期同一班好耐無見嘅老友聚餐，相約在多年未踏足的雪園飯店開餐，一行十五人叫左十二人套餐，飽肚又好味!打頭陣嘅冷盤保持水準，特別值得一提係小黃瓜同牛筋塊。黃瓜味道香甜，調味適中，入口清新健康，而牛筋塊就入口即溶，無肥膩感覺。至於主菜之一嘅拆骨魚頭就令人回味無窮，雖然賣相普通，但魚湯香濃無腥味，放入口中一試，即刻食得出有大量魚面珠「燈」肉，配合粉皮可謂滑上加滑，需知一條魚最多只得兩塊面珠「燈」，令我想起以前回家媽媽每次煮魚總會留低最珍貴又嫩滑嘅面珠「燈」比我食，呢味菜亦令我有非常溫暖嘅感覺，下次再來一定ENCORE。另一道有驚喜嘅就係生煎包，外脆內軟，食落口肉汁非常澎湃，食完一個又想接一個，停唔到口。其餘亮點菜式仲有椒鹽八寶鴨、火朣翅等等，份量十足，令人一試難忘。