丼吉日式吉列豬排專門店 (世貿中心)

營業中

休息中

係香港食日式吉列豬扒，首選一定係「Tonkichiとん吉」。1995年已經係銅鑼灣世貿中心開第一間餐廳。世貿中心返新之後，搬咗上13樓重開為旗艦店。午市套餐相對平啲，炸物唔超過二百蚊，係呢個環境嘅高級餐廳一啲都唔過份。一入門口有幾塊大型LED牆播著日本四季嘅風景都幾吸晴。入面啲卡位私隱度都幾高，仲有啲窗口位望到海景添。叫咗招牌吉烈上級豬扒定食豬扒好厚身，肉有彈性但唔會柴。食時可以將豬扒汁加入芝麻一齊攪成蓉沾嚟成，來自日本嘅高麗菜絲可以放海苔汁或者柚子汁食，兩者都係酸酸地，好開胃。醃菜同味噌湯都係好嘢，食完仲有西瓜粒同埋一杯麥茶作結。成個體驗好好。