阿霞餛飩

營業中

休息中

佢係一間正正常常嘅餛飩店，如果中午過後，經常可以見到店內職員同朋友坐低喺度食嘢，佢哋都好隨便，不過服務態度算係殷勤，嘢食嘅味道亦都正正經經。舖頭環境唔算特別乾淨，亦冇乜令人感覺好污糟。奇怪嘅係，佢哋枱面係冇胡椒粉供應，問佢攞就係一個大缸俾你。特別欣賞佢嘅小餛飩，餛飩肉唔多，調味不濃不淡，但都食得出係新鮮嘅材料，最正係個皮好薄好滑，口感相當討好。最好嘢係佢個湯底，淡淡咁但係亦都食得出個味道係唔錯。如果你係鍾意呢種福建口味嘅小餛飩，就一定要嚟試吓，因為咁鄙薄餡靚嘅小雲吞，唔係周圍都有。