銀杏館 (已結業)

之前行過銀杏館都想試，不過午餐成舊水又好似貴左d，最近見到佢有個$268晚餐，好抵甘喎！呢間社企餐廳係比長者工作的，咪睇佢地個個年紀大，其實佢地不知幾靈活，我懷疑其中一個以前做Sales添，當見到你個樣好似有d懊惱唔知揀咩好（個餐都真係幾多野揀），老友記就top sales上身，行埋黎介紹一番。最終我地揀左前菜係韓式炸雞，老友記話出面少有（佢岩！），主菜揀左個石頭飯同漢堡包。先黎個無得揀既粟米湯，真係用粟米打蓉煮的，新鮮！至於個韓式炸雞食落唔似食齋菜，韓式辣醬包住粒麵根，灑上大量芝麻，辣辣地，幾惹味！個石窩飯勁滿，老友記好醒甘拎埋隻碟比我筆起d餸，上面既肉碎又係唔似齋，似真肉碎，而且好多餸，啖啖都係餸；至於個漢堡，塊肉有d似麥香雞，唔知係大豆做既關係，定還是用花生油炸過，食起上黎好大陣花生香，但就有點油膩。咪睇佢呢個二人餐，兩份主菜都好大份下，2個人係捧住個肚走人，晚餐$268絕對抵食，而且班老友記話頭醒尾，係愉快既一餐！