里木

營業中

休息中

前日我同老豆話，朋友過兩日嚟香港玩，問佢有無啲好食嘅日式餐廳介紹。佢就打電話畀佢好兄弟問咗吓，話尖沙咀間里木啲日式嘢唔錯，可以帶朋友去試吓。我就決定帶朋友去嗰度食晚餐。間舖裝修得好特別，成個環境都令人覺得好輕鬆，好啱同朋友傾偈食飯。和牛海膽熱狗：朋友話呢個壽司係佢食過最好味嘅壽司！和牛切得好薄，仲包住壽司飯，口感真係特別正！岩手縣石垣貝壽司：石垣貝雖然細細粒，但係肉質特別新鮮香甜，每一啖都係經典！愛知縣白象拔蚌 &北海道粒貝配沖繩水雲：象拔蚌有淡淡嘅海鮮味，非常新鮮！仲有放喺杯上面嘅北海道粒貝特別清爽，好食！日本生蠔配魚子醬一罐：生蠔味道特別高級，肉質除咗鮮之外，仲帶有滑溜嘅口感，一個字，正！殼付原隻海膽：海膽份量好足，我同朋友都好鍾意海膽獨特嘅味道！蜜瓜：好新鮮，特別甜，係我暫時食過最鮮甜嘅蜜瓜🍈我同朋友兩個人食得好爽！仲傾咗好耐偈，非常之開心！