影片
更多
2022-06-02
1714 瀏覽
最近好想食點心，於是住將軍澳嘅朋友介紹左我食呢個點心放題，佢話好高質。之前聽講某大酒店有點心放題，但好多都伏，一來佢件點心好精緻好細件，食完都唔飽，二來乜都話即蒸，等完一輪原來的屎咁大粒，想要食又要再order再等過，然後等等下就夠鐘，其實好似無乜食過野咁，所以我都好擔心。不過今次試完真係真心好Ok。先講下個茶，佢係玫瑰花荔枝茶，勁香甜，好好味真係，好似飲緊台式茶haha之後就上第一輪點心，我地預先訂位所以先有鮑魚酥！鮑魚酥真係好大隻鮑魚，個酥底有好多疑似菇碎同肉類做餡，口味好豐富，酥餅好鬆脆，鮑魚又好彈牙好大隻，但我嫌隻鮑魚係凍的，好似係罐頭岩岩夾出黎嘅感覺，如果浸一浸返熱佢成件事會好食好多。好大隻呀~~叉燒腸粉，我個人覺得腸粉做得好好，好爽好滑，但係叉燒反而做得好一般，麻麻地。估唔到佢每一份蔥油雞，都係散叫咁大份，唔似D放題咁只係比一兩件你，淨係呢碟雞都幾十蚊呀，回本力有10%。雞肉好厚，皮好爽滑，真心高質好好食！當店主角重頭戲，一定係食呢個竹炭皮蝦餃，超大隻超好食呀!!!!!!!!!!!!!!!!我就好驚d點心放題係好細件，佢果然無介紹錯，真係好巨型好大隻，賣相又靚，個蝦餃皮做到
之前聽講某大酒店有點心放題，但好多都伏，一來佢件點心好精緻好細件，食完都唔飽，二來乜都話即蒸，等完一輪原來的屎咁大粒，想要食又要再order再等過，然後等等下就夠鐘，其實好似無乜食過野咁，所以我都好擔心。
不過今次試完真係真心好Ok。
先講下個茶，佢係玫瑰花荔枝茶，勁香甜，好好味真係，好似飲緊台式茶haha
之後就上第一輪點心，我地預先訂位所以先有鮑魚酥！
鮑魚酥真係好大隻鮑魚，個酥底有好多疑似菇碎同肉類做餡，口味好豐富，酥餅好鬆脆，鮑魚又好彈牙好大隻，但我嫌隻鮑魚係凍的，好似係罐頭岩岩夾出黎嘅感覺，如果浸一浸返熱佢成件事會好食好多。
好大隻呀~~
叉燒腸粉，我個人覺得腸粉做得好好，好爽好滑，但係叉燒反而做得好一般，麻麻地。
估唔到佢每一份蔥油雞，都係散叫咁大份，唔似D放題咁只係比一兩件你，淨係呢碟雞都幾十蚊呀，回本力有10%。
雞肉好厚，皮好爽滑，真心高質好好食！
當店主角重頭戲，一定係食呢個竹炭皮蝦餃，超大隻超好食呀!!!!!!!!!!!!!!!!
我就好驚d點心放題係好細件，佢果然無介紹錯，真係好巨型好大隻，賣相又靚，個蝦餃皮做到好煙韌，夾佢都唔會爆開裂開！
蝦肉超多同埋好爽口，真係好好好食！
我同朋友每人都食左3大隻，佢單點價係HK$58/3隻，即係我已經回本回左20%
講完蝦餃就講埋呢隻蝦卷，佢係用芝麻+酥皮捲住蝦膠黎炸，勁香口好好味，仲有沙律醬可以點，好開胃！
都係勁多大隻蝦肉，好味！
食點心點可以無燒賣，呢個豬肉燒賣一樣有好多蝦肉好大隻，每一粒都係巨型，好岩我！
上面仲有黑魚子，感覺好矜貴！同埋真係好大隻！
估唔到佢地有生咕嚕肉咁飽肚嘅野食可以點，一於試下 。
都只可以講，佢炸得好鬆脆，醬汁好惹味，無骨啖啖肉，真係無誇張，我同朋友都覺得呢個好好味！
再黎一兜我完全唔想食嘅野，係XO醬炒腸粉，因為太飽肚，降低戰鬥力。
但食落真係好好食，好入味唔淡口，好香，真係好好食...............食左大半盆。
我覺得佢有個缺點就係乜都超巨型，搞到我同一樣野食好多好飽。
腸粉可以問佢囉甜辣醬，因為我覺得點左好食D，但佢自己唔會主動比你的，留意返
呢個係金菊卷，似甜品，咬落去好有韌性，菊花茶果種香甜味，好得意！
再叫左棉花雞，都幾好食，不過我如果下次再黎一定唔會再叫呢個，好多雞好飽肚。
魚肚就好好食，但我唔想食D雞，太多啦。
最唔推薦係呢個煎蛋糯米雞，真係完全唔好食，煎完嘅糯米雞好硬好韌
裡面D料唔算少，但真係相當飽肚，份量又好大件，如果放題黎的話，呢個係伏位，唔特別好食又頂胃。
甜品最後點左桂花糕，凍食的，比較清爽開胃，幾好食
紅棗糕係蒸點心，我搬返佢落碟黎影，味道好好食
整體黎講佢地點心散叫都幾貴的，大部份都40-50蚊一籠，所以如果你係大食少少，又想去呢度食點心，我覺得午市點心放題可以一試。
必試的有竹炭蝦餃、咕嚕肉、XO醬炒腸粉、燒賣、芝麻明蝦桶。
其實佢仲有好多款叉燒包之類的，不過我一款都無叫，因為太飽肚啦，留返比你地挑戰。
張貼
