正和軒 - 同仁四季

營業中

休息中

呢位自稱係「老闆」嘅男人唔識帶位🙄勁串，非常冇禮貌😡事源係佢安排入座嘅時候，佢安排左我地坐一個近門口嘅位置，咁我媽咪就想坐入啲，亦都話左唔介意再等下張枱，但「老闆」無視我地🙄同時，「老闆」俾下一位客入左去，坐一張入啲嘅枱。咁我媽咪就同佢理論，「老闆」就唔滿意，唔俾我哋調位，唔俾等下一張枱，仲講咗句：「而家唔做你生意！」仲話再嘈報警😦問清楚佢嘅職位先知係「老闆」，唔怪得可以咁巴閉話唔做人生意仲要報警添😕其實如果佢態度好少少咁講，再安排一張枱俾我哋，我哋係唔會介意再等，大家亦都無需要勞氣。個陣都唔係好多客等緊位，安排下一張俾我哋其實好簡單處理左成件事。其實我哋係周不時嚟幫襯嘅客，真係估唔到呢次有個咁唔開心嘅經歷😔😡仲要俾人串又受氣話唔做我地生意真係激死😤咁巴閉以後唔食囉！荃灣區又唔係得你一間茶樓，嘢食又唔係特別好食，老闆咁串食咗都唔安樂！😡*睇返原來網上好多食評都話呢間野個肥老闆態度好有問題！P.S. 上一次嚟食，叫左碟鹹水角，嚟到明顯睇得出擺咗好耐，已經淋晒。咁梗係同侍應講取消咗佢唔食啦，咁核突點食啫！侍應竟然第一句話：你擺耐左唔食係咁樣㗎啦！吓？！碟野啱啱上枱，竟然屈返我哋轉頭擺耐左碟