座銀

營業中

休息中

其實小弟就唔係第一次食座銀，本身已經去開跑馬地店同中環店。為咗唔想令大家對新開店的幻想破滅，今次我姑且寫得輕力少少。今次試咗佢嘅海鮮雞湯麪但其實我叫左海老雞湯……因為已經見佢就嚟打烊所以唔想勞煩佢地都係自己算食咗佢算但原來係我自己太好人……講返碗麪，以座銀嘅水準嚟講，我唔收貨。你當我係嘴刁又好麻煩又好個牛蒡炸過龍，脆係脆但有燶同澀味。湯底畀魚介嘅味道遮蓋咗雞湯嘅味道。麪質唔錯比較煙韌，可惜間間座銀都一樣係咁好。兩塊肉係正常發揮。個煙燻蛋我額外追加但我唔期望佢係放落個湯度，因為其他店都係分開上……佢咁樣放一放咗落個湯度佢煙燻味有少少畀啲湯沖散咗…而家新店都冇辦法做返第一間座銀係香港開張時的驚豔感，業務擴張，都係好事嘅…畀更加多人認識…但已經個人覺得不復當年。麪嘅相就真係冇乜好影，反正呢間都唔係第一間。不過其實裏面嘅裝潢都唔錯。繁忙時間搭枱我覺得好合理，可能趕收舖都算繁忙時間啦。咁我一個人食就無乜say㗎啦。我坐嗰張枱係明明係二人枱，但側邊攝多咗個位變咗我坐咗喺對情侶側邊，咁就有啲尷尬…………另外，唔建議店長店員傾計時大大聲講起其他店。不過整體嚟講其實店員嘅服務態度都好好。食完飯找埋數，本