影片
更多
2024-01-07
2874 瀏覽
最近去參加朋友婚禮兼幫手做咕哩，除咗食物無問題之外（中肯地講係蔡大廚有心機之作，好食。），其他所有野都有問題🫠自己去食還好，for this tier of restaurant wedding banquet 服務都好緊要，今次尷尬到可以笑一世。1. 服務朋友去到set場，個場地係全黑，無人，仲要無通知保安要開電梯特別處理，成班人等咗好耐先上到去。餐廳event manager都遲大到。新娘房咁啱裝修緊，畀咗個暗黑到化唔到妝嘅酒吧位畀化妝師😂仲要有CCTV，即係無得喺入面換婚紗，要喺一個好細嘅廁所換衫。個結婚蛋糕到咗無出聲，要問先話「喺度㗎喇」，有啲賓客已經到咗，個蛋糕連埋個膠盒一齊推出嚟😂 個蛋糕本身已經夠高，可以唔需要個Kickstand，請佢哋幫忙攞走佢將個stand放喺架車仔下隔🤡如果唔係尋日咁忙，我一定影低晒佢。餐廳In-house event manager 嘅表現差到嚇親大家，喺賓客面前好大聲話：「呢個XXX素食丫嘛～」，又指示錯晒啲枱/碟/坐位嘅擺位，餐牌係錯嘅，有一枱一半人變素食，連日期同枱號都錯，得5枱但有Table 25😂但好彩上返正常菜。素食餐牌有燕窩🤡（喂？
自己去食還好，for this tier of restaurant wedding banquet 服務都好緊要，今次尷尬到可以笑一世。
1. 服務
朋友去到set場，個場地係全黑，無人，仲要無通知保安要開電梯特別處理，成班人等咗好耐先上到去。餐廳event manager都遲大到。
新娘房咁啱裝修緊，畀咗個暗黑到化唔到妝嘅酒吧位畀化妝師😂仲要有CCTV，即係無得喺入面換婚紗，要喺一個好細嘅廁所換衫。
個結婚蛋糕到咗無出聲，要問先話「喺度㗎喇」，有啲賓客已經到咗，個蛋糕連埋個膠盒一齊推出嚟😂 個蛋糕本身已經夠高，可以唔需要個Kickstand，請佢哋幫忙攞走佢將個stand放喺架車仔下隔🤡如果唔係尋日咁忙，我一定影低晒佢。
餐廳In-house event manager 嘅表現差到嚇親大家，喺賓客面前好大聲話：「呢個XXX素食丫嘛～」，又指示錯晒啲枱/碟/坐位嘅擺位，餐牌係錯嘅，有一枱一半人變素食，連日期同枱號都錯，得5枱但有Table 25😂但好彩上返正常菜。素食餐牌有燕窩🤡（喂？）廚係好努力去做好嘅，只係專長唔係素食。我隔離個朋友仲食緊嘢啲侍應就收咗個醬，係茶記嘅速度⚡️仲有另一枱客話，侍應喺上菜唔夠10分鐘就講：「你食快啲，個花膠飯凍晒唔好。」實質上係想趕住收碟。
嗰日其實有4枱都唔係點飲酒，需然係free flow，都無乜人添酒。到敬酒環節仲精彩，新郎酒杯無晒酒唔加，餐廳event manager 話：「唔好加咁多呀睇住budget」果然係公司行先，但客人畀晒free flow錢，飲得幾多？仲要唔記得畀champagne畀客人toast 🫠幾好飲咁嘅態度真係好令人尷尬。
總括嚟講個餐廳event manager 係好唔專業，無交帶，外內都無溝通好，場擺位擺枱錯晒仲要怪人，最好去進修下基本，不過禮貌同禮儀就難啲改。
2. 音響
早一日朋友專程去試咪，同經理夾好晒setting，以為淡淡定，有錢剩啦～點知第二人還原基本步，餐廳event manager話音樂同咪唔可以同時用🤡（喂？畀錢之錢咩都得架喎～）後尾發現係得嘅，只係懶得去處理。仲有另一個staff搞亂咪同音樂，想個咪細聲啲，佢就熄咗個音樂😂然後MC咪係咁wee wee聲，我哋就自己處理返，做埋techinician dim music 同較echo。
3. 環境&衛生
環境算靚但需要啲保養，大廳位置個地氈有一大忽爛咗有啲嚇親，初初以為係設計嚟😂
衛生一般嚟講都OK，廁所乾淨，杯碟都乾淨嘅，除咗有一次要一杯水，入面浮左啲膠粒同不明黑色小物之外，都無大問題。
張貼
