上海婆婆 (已結業)

上海婆婆晚晚都係咁多人,busy hour唔等夠一個鐘都唔使指意有位,冇得訂台...我夜晚都八點幾去都等左差唔多一個鐘,門口知客都態度麻麻,叫左我張飛,跟住叫我行入去等多陣...好似有少少被呼喝o既感覺...已經好耐冇食,以前食都覺得ok,今次隔左咁耐...突然又黎食下...兩個人,唔叫得太多野食,4碟野都差唔多喇~order完d野,佢話要等20 mins左右...但唔夠10 mins已經有野黎喇....下??先黎個上海粗炒,好似細碟左d喎,但唔算太過油,上海麵都ok,味道適中,不過好似唔夠熱咁...小籠包, 皮就唔算太厚,但都唔係薄o個d,個涵好似油左d,今次麻麻地...生煎鍋貼,一碟3大隻,係真係幾大隻...煎到少少金黃,可以再煎得靚d o既...趕時間掛...個皮好厚呢...個涵都漏左d...又係一般...黑醋排骨,色水,酸味就ok喇...但係炸到乾淨淨,乾晒水,剩係得d粉漿,一d肉汁都冇,只係feel到有骨,冇肉...好差呢...好失望呢...真係比骨人架ja??飽就一般啦...都唔想再叫佢d野食喇....佢好快手執晒d野,想趕客咁...當時都九點半啦...估唔到耐冇食一排..