影片
更多
2013-09-25
707 瀏覽
由細到大都好鍾意花園餐廳記得以前住銅鑼灣，特別日子都會去花園餐廳食不過細個對扒嘅興趣不大，最最鍾意嘅始終都係佢嘅紅豆雪糕而大個之後，就係為同朋友可以靜靜咁傾吓計、食個扒而去由於工作地點嘅關係，近年宵夜通常都係響尖沙咀至太子呢幾個站嘅範圍內而旺角因為方便，睇戲、行街、坐車都易，所以去得最多夜媽媽，行旺角，梗係西洋菜街啦～之前試過好幾間之後，發覺無論食物定服務都係呢間上樓嘅最好，所以間唔中都會去食不過好可惜，或者我同朋友們都唔會再去呢間分店了因為店內嘅職員令我哋有非常不快嘅回憶！本來由入座到點餐，所有事都應該好好，雖然職員態度麻麻，不過都無影響我哋幾個嘅心情可惜最重要嘅事就響扒出現之後就發生啦！（２０１３年７月３１日 晚上約１１時進店）話說當時有一枱外國人，一枱５至７個人，好開心咁影相、傾計等等我唔知佢哋係咩人，但就好明顯地，啲職員眼裡只有果一枱客！雖然佢哋點餐、問嘢用咗好多時間，而其他職員又好似唔洗做咁，所有職員都好似見唔到其他客人咁唔做嘢，落單時職員嘅態度亦唔多友善，但大家都仲覺得唔算太過份，算！但係啲扒由泥到，見到個鐡板都知道熱，到幾枱客個個塊扒都凍哂（因為另外有枱嘅扒早我哋少少到，
記得以前住銅鑼灣，特別日子都會去花園餐廳食
不過細個對扒嘅興趣不大，最最鍾意嘅始終都係佢嘅紅豆雪糕
而大個之後，就係為同朋友可以靜靜咁傾吓計、食個扒而去
由於工作地點嘅關係，近年宵夜通常都係響尖沙咀至太子呢幾個站嘅範圍內
而旺角因為方便，睇戲、行街、坐車都易，所以去得最多
夜媽媽，行旺角，梗係西洋菜街啦～
之前試過好幾間之後，發覺無論食物定服務都係呢間上樓嘅最好，所以間唔中都會去食
不過好可惜，或者我同朋友們都唔會再去呢間分店了
因為店內嘅職員令我哋有非常不快嘅回憶！
本來由入座到點餐，所有事都應該好好，雖然職員態度麻麻，不過都無影響我哋幾個嘅心情
可惜最重要嘅事就響扒出現之後就發生啦！
（２０１３年７月３１日 晚上約１１時進店）
話說當時有一枱外國人，一枱５至７個人，好開心咁影相、傾計等等
我唔知佢哋係咩人，但就好明顯地，啲職員眼裡只有果一枱客！
雖然佢哋點餐、問嘢用咗好多時間，而其他職員又好似唔洗做咁，所有職員都好似見唔到其他客人咁唔做嘢，落單時職員嘅態度亦唔多友善，但大家都仲覺得唔算太過份，算！
但係啲扒由泥到，見到個鐡板都知道熱，到幾枱客個個塊扒都凍哂（因為另外有枱嘅扒早我哋少少到，相信早凍過我果塊）、幾枱客都出聲叫人，先有個後生少少嘅斯斯然咁攞汁俾客，你哋會唔會太過份、太離譜啦？你哋有冇諗過果啲份扒早過班外國人到，但望住佢哋果枱嘅人食緊嘅時候自己塊扒仍然未有汁嘅果種感受？幾咁無奈？最慘係你終於叫到另一個人應你，但佢應完之後，企響你前面揸住桶汁，同其他人係咁傾傾傾都唔行埋泥幫咗你先！我真係好好奇，究竟果晚發生咗咩事？
就算果班外國人係你哋老闆、米芝蓮、某國總統，都唔係要幾枱客人呆等呀？最慘係幾枱客都係坐響果班外國人隔離（大家都係坐卡位，圍住外國人坐果張枱），而大家叫極班職員都好似完全聽唔到咁喎？
第一次食花園食都咁谷氣，呢間店真係唔會再有下次！
其實我本來都幾喜歡呢間花園嘅羅宋湯
湯同包暖暖哋都還可以接受，但係份扒凍食，你想點好食法？薯條又已經硬哂／稔哂了，成件事錯哂！非常失望！
張貼
