影片
更多
2022-08-09
356 瀏覽
今次主要講下餐廳既服務質素。雖然係街坊酒樓，但係希望唔好當人羊古。星期日我阿媽生日，為咗方便啲親戚，就求其去咗一間酒家慶祝生日。親戚表示啲嘢幾抵食，好大份，所以叫咗個9xx加100(公眾假期及星期六日)既燒鵝套餐半席6人餐，8個人食。一去到大概5分鐘即刻有位。1. 叫完個餐，侍應都即刻問我哋飲啲乜嘢，但我哋當時未決定就同佢講等等。未夠2分鐘，隨即再問，我哋還未人齊，轉頭再落，待應勁之不耐煩。2. 然後部長就過咗嚟同我哋講話今日咁啱冇晒燒鵝，轉個燒味拼盤好唔好。媽媽同佢講，都可以但始終燒鵝係貴啲，可唔可以整到個拼盤靚啲同埋想要叉燒。部長當然話冇問題啦。最後嚟咗個切雞鵝翼燻蹄海蜇拼盤，不單止冇叉燒，仲要我地個餐本來就有燒雞，仲比個切雞!!???? 3.媽媽勁嬲，同佢講話都係退咗佢。佢冇直接回應問題，佢淨係話不如免收茶介，就走左。我哋就睇返套餐個Menu,原來套餐本來就係免茶介。4.媽媽仲更嬲，拎住個單張搵部長，點知部長見到佢就掉頭走啦。換咗個經理，了解情況後，送8個壽包，同換咗個芝士大蝦伊麵俾我哋( 本來套餐嘅係上湯大蝦伊麵),先平息左壽星婆嘅脾氣。其實以街坊酒樓嚟講，食物質素唔算差，個紅
星期日我阿媽生日，為咗方便啲親戚，就求其去咗一間酒家慶祝生日。親戚表示啲嘢幾抵食，好大份，所以叫咗個9xx加100(公眾假期及星期六日)既燒鵝套餐半席6人餐，8個人食。一去到大概5分鐘即刻有位。
1. 叫完個餐，侍應都即刻問我哋飲啲乜嘢，但我哋當時未決定就同佢講等等。未夠2分鐘，隨即再問，我哋還未人齊，轉頭再落，待應勁之不耐煩。
2. 然後部長就過咗嚟同我哋講話今日咁啱冇晒燒鵝，轉個燒味拼盤好唔好。媽媽同佢講，都可以但始終燒鵝係貴啲，可唔可以整到個拼盤靚啲同埋想要叉燒。部長當然話冇問題啦。最後嚟咗個切雞鵝翼燻蹄海蜇拼盤，不單止冇叉燒，仲要我地個餐本來就有燒雞，仲比個切雞!!????
3.媽媽勁嬲，同佢講話都係退咗佢。佢冇直接回應問題，佢淨係話不如免收茶介，就走左。我哋就睇返套餐個Menu,原來套餐本來就係免茶介。
4.媽媽仲更嬲，拎住個單張搵部長，點知部長見到佢就掉頭走啦。換咗個經理，了解情況後，送8個壽包，同換咗個芝士大蝦伊麵俾我哋( 本來套餐嘅係上湯大蝦伊麵),先平息左壽星婆嘅脾氣。
其實以街坊酒樓嚟講，食物質素唔算差，個紅燒翅我都覺得好唔錯，以呢個價錢嚟講條魚都幾好食。
但係服務質素來講就真係好一般，得過且過，希望酒樓正視。
張貼
