大樹燒烤 (已結業)

忽然間好想食中式嘅串燒，今晚同男友響尖沙咀附近就開OpenRice睇吓有咩好介紹~ 見到呢間地點都算夠腳同埋好多好評所以一於試吓由於我哋六點幾就到咗，加上係平日嘅晚上，舖頭唔算好多人，可以等我哋慢慢燒慢慢食，悠悠閑閑唔使急~ 首先我哋就嗌咗一杯而家好流行嘅鴨屎香檸檬茶，同埋一杯芒果沙冰陣間用黎送啲濃味嘅串燒，我個人認為兩杯嘢飲都偏甜，我男朋友好中意，用黎解辣就岩哂了之後我哋都係叫咗啲大路嘅串燒，好似茄子韭菜嗰啲，同我哋響大陸食嘅味道都非常相似，好彩辣度唔會太高，我地兩個覺得仲冇大陸食嗰啲咁咸，幾適合一般嘅普羅大眾最抵讚係我哋叫嗰兩隻燒蠔，隻蠔都幾肥美同新鮮，燒完出嚟非常之滿足，鍾意食蠔嘅朋友一定要試吓~