Aldou Cafe (已易手) 新餐廳

今晚約好左同中學同學食飯，咁耐無見，當然搵返間舒適既黎坐低食下野啦。每人叫左一份餐，先黎餐湯，係南瓜湯黎架，味道濃郁，南瓜香味仲有清甜味道，絕對係當造南瓜既味道。加埋麵包焗過外脆內軟，估唔到麵包都做得唔錯。跟住係鴨肝漢堡包，鴨肝食落外脆內軟滑，比鵝肝瘦一點，而且冇一陣蘇味，所以比鵝肝更容易入口，另外漢堡扒夠多肉汁，芝士夠晒香，麵包又軟淋淋所以食落好滋味，加上粗薯條炸得博博趣，配上沙律菜夠清新，確實係幾吸引。另一樣係虎蝦比目魚，虎蝦非常新鮮，蝦肉食落夠晒彈牙，而且充滿鮮味，比目魚大大嚿，魚皮煎得非常趣，加上魚肉又夠滑溜又夠新鮮，食落仲充滿海鮮嘅鮮甜味，仲有薯蓉帶牛油香味，係有質素嘅西菜。