Shine (已結業)

環境好靚，同朋友坐左卡位，服務員態度就一般啦，我地四個人叫左兩個主菜兩個小食同各自叫左杯飲品。前菜：雞翼4隻黎既其實不過斬半變左8份，食落係有d juicy既，而且香口，吾錯！呢個係用左優惠劵，叫$288以上主菜送既雞翼😉Smoothie我揀左吾加cream，飲第一啖超級冰，本身都驚朱古力會好甜，點知飲落吾係太甜，而且香蕉味超重，仲有4-5片香蕉係裡面可以食，我中意😚😚😚墨汁意大利飯好好食，呢個真係真心推薦，味濃，多海鮮，飯之中仲有墨魚碎粒，爽口彈牙，同埋d飯一齊食好特別😁👍🏻炸尤魚配呢個醬淡淡地又幾清新，個炸皮又整得幾薄，份量岩岩好👍🏻呢塊ribs真係不得了，大得驚人，絕對係大過塊面，朋友講笑話大到可以當mask咁敷😂肉煮得好鬆軟，味道還可以，吾好以為咁大塊就多骨無肉，呢塊ribs既肉都幾多下，值得表揚一下👍🏻呢到環境坐得好舒服，無限時交枱，其實我地食完吹左好耐水，服務員態度都幾好，食物質素整體都吾錯，價錢就偏貴，但如果你話想坐得舒服又吾洗趕住交枱既話，呢到係一個吾錯既選擇😊。