Ufufu Cafe (已結業)

約咗成年冇見嘅朋友喺度食飯，尖沙咀夠曬方便！咁耐冇見梗係想揀間坐得舒服啲既餐廳！入去嘅時候店員同我地講有限時，有一個朋友遲到所以我哋喺門口等左陣，等埋佢先入去，店員都冇話我哋阻住，仲好願意俾我哋喺門口等。菜式好多揀到眼花，睇餐牌張張相都好似好好食。好耐冇飲過酥皮湯，呢度任何主食加＄30就有得飲，酥皮夠脆好飲。焗飯有飯焦，正！推介佢哋嘅薄餅，好脆，芝士夠多，幾特別。仲有呢個芝士流心漢堡扒，好特別，用膠袋包住黎上，黎到侍應會幫你切開佢。不過都會諗膠袋放喺鐵板上邊燒會唔會致癌架🤔哈哈！黎到又點可以唔試佢既甜品！梳乎厘班戟都唔係間間甜品舖食得到，上邊啲料好足， 丸子夠晒大粒好煙韌，不過個班戟食起上嚟居然有啲似馬拉糕！撈埋雪糕食好正。