鷹巢

營業中

休息中

嚟緊長假期咁開心，所以跟啲同事去食好嘢，今日我哋揀咗喺公司附近嘅鷹巢中菜廳，呢度環境幾好，地方闊落，可以靜靜地嘆番下。 啲點心幾好味.  今日食咗: 蛋黃千層糕 - 其實已經好耐冇見過，一啖淡嘅奶黃夾雜着蛋黃鹹香味，據我所知因為工序好煩複, 已經買少見少了另外, 上湯牛肉球 - 牛肉球係我必食嘅點心。平時食嘅都只係山竹牛肉，呢個幾特別，用上湯來熬製，香濃美味.  仲有, 甘筍鹹水角 - 佢嘅造型好特別，真係成個甘筍咁，啱晒嚟緊復活節嘅感覺，鹹水角嘅皮亦都好煙韌, 皮薄, 亦好足料沙律春卷，春卷嘅賣相好靚，佢特登整咗啲沙律菜好似一束花，好有心思, 同埋脆卜卜，啱晒我。 帶子碧綠海螺棧 - 啲帶子好鮮甜，海螺肉質爽口，好清新。 陳皮燉雪梨 - 好滋潤又清甜，佢真係有成個雪梨上，可以雪梨肉都食埋。