泰豐小廚潮洲打冷

營業中

休息中

今日同朋友去聯和墟按摩後，一身鬆曬，跟住去吃打冷。泰豐小廚有露天座位，本來想坐露天，但因為隔離枱有人吸煙，改為坐店內，可避免吸到煙味。我地叫左椒鹽鲜魷、鹅片、韮菜豬红、蠔餅、揚州炒飯、隆江豬手、豆苗及咸菜門鳝等。很多都好好食，尤其是豬手，淋而不肥，豆苗用上湯整，好快食完。韮菜太少，豬红好大舊。但鲜鱿和蠔餅粉太多，只是麻麻地，蠔太少，而咸菜門鳝太咸，不太好味。揚州炒飯咸左D，食唔曬。配上可樂和橙汁汽水，正！