Casa Di Luna (已結業)

銅鑼灣依間「Casa di Luna」以月球為主題，牆上有太空人畫作裝飾，天花板則佈滿月球燈，不得不說，依間真係人氣餐廳，當日幫襯餐廳，餐廳係全場坐滿之餘，外面仲有人等位，但全場得一個樓面，不過嗰個女Staff服務依然好好，略嫌晚市套餐只能夠前菜或甜品之間二選一。*此餐廳收取加一服務費。晚市套餐（單點$328），封門牛柳配野菌燒汁，五成熟，封門牛柳肉質嫩滑，牛味濃厚，配以野菌燒汁食用，食落好惹味，略嫌野菌味道欠奉，薯蓉口感幼滑，配菜包括有蘆筍、甘筍。晚市套餐（單點$328），炸軟殼蟹白松露意大利麵，軟殼蟹口感酥脆，食落有鮮味，意大利麵容易掛汁，略嫌醬汁白松露味道偏淡，主要剩係食到忌廉嘅味道，配料包括有雜菌。煎鵝肝配青蘋果黑醋汁（跟餐$30），鵝肝口感厚嫩，肉質肥美，食落入口即化，配以青蘋果黑醋汁食用，味道酸甜，配菜包括有法包、沙律。2碗龍蝦湯（跟餐$0），口感濃稠，味道鹹鮮，內有鮮蝦，味道鮮甜。Casa di Luna提拉米蘇（跟餐$0），表面鋪滿可可粉，食落好Creamy，手指餅部分食落有咖啡酒味道。凍檸檬茶（跟餐$0），茶味清香，飲落好清爽。即磨咖啡（跟餐$0），咖啡味道濃香，配以