陸陸雞煲火鍋 (已結業)

雞煲最緊要夠麻辣，咁先夠惹味，呢度嘅雞煲就正好岩曬我口味，夠辣之餘仲好惹味，令我食唔停口。先叫了雞煲，啲汁好香濃，雞肉嫩滑入曬味。食完雞就可以加湯打邊爐，湯底可以選擇清湯或辣湯，唔食得辣的可以加清湯，想更濃更辣的便加辣湯，而我就加了清湯，雖然是清湯，但仍不失麻辣風味。打邊爐點少得牛肉，肥牛是不二之選，雪花肥牛是我最愛，入口即溶的質感，加上辣辣地好香口。再黎清湯牛腩，本身已熟的牛腩，用湯底錄一錄，肉質非常鬆軟，好味推介。手打肉丸爽滑彈牙，大大粒食得過癮。總括材料新鮮，已經是好難得，價錢和質素成正比，絕對可以一試。