華倫餐廳 (已結業)

新嘅一年為自己定下目標 希望可以開始多啲寫食評 記錄低每次去嗰啲餐廳好食定係唔好食 今日去華倫餐廳下午茶純粹因為落咗巴士朋友未到 下午茶選擇好多 因為要一杯嘢飲都城16蚊 我索性叫咗個下午茶肉醬意粉38蚊連埋飲品 肉醬意粉出嚟效果好好 好香肉醬同埋芝士味 意粉和肉醬份量啱啱好 意粉食落去幾爽 唔似得一般茶餐廳咁水汪汪 凍檸茶好重皮落足四塊檸檬 唯一覺得好好笑嘅就係隔離枱叫咗個肉醬意粉 但係唔知點解餐廳用啲即棄嘅焗盤上 唔通咁大間餐廳連餐具都唔夠嗎