影片
更多
2018-03-15
766 瀏覽
約外國來香港的朋友品嘗地道美食，其實都係一大難題，不過諗起大圍以肉餅為主題既肉餅哥又真係幾啱今次既目的，因為肉餅真係佢先做得有特色！餐廳環境寬敞，細檯到大檯都有，適合一家大細或朋友共聚！我哋坐低無耐，餐廳非常窩心地送上例湯俾我哋，入面非常足料，有大大隻雞腳同香甜既蘿蔔同冬瓜！由於我哋都幾肚餓，我哋都好快落好單，餐廳以肉餅為主打菜式，仲有d小食同小菜！佢哋上菜既速度都幾快，落完單無耐，我哋叫既芥香四季豆已經送到！ 本來清甜既四季豆，加入日式芥末後更加開胃，少少辣，多多香！除了小食外，我哋亦叫左佢哋推介既霸皇雞！濃郁既葱滿滿鋪在雞上，雞肉嫩滑，份量十足，足夠我哋share! 而今晚既主角，肉餅亦都好快送到嚟！ 我哋都選擇配菜飯，因為喜歡菜飯既鮮甜味，而佢哋都做到呢一點！而且菜飯既份量都十分足夠！我哋分別叫左兩款肉餅，包括金沙蛋黃煎肉餅同埋原隻波士頓龍蝦蒸肉餅！金沙蛋黃煎肉餅做得十分惹味，面頭鋪滿流沙既咸蛋黃漿，肉餅煎得香脆，夾埋d咸蛋黃漿嚟食，非常滋味！跟住有原隻波士頓龍蝦蒸肉餅，真係用上成隻龍蝦去做，龍蝦肉混在肉餅內，蒸得軟稔，龍蝦肉就令肉餅更有咬口同多左一份鮮甜味，比起平時既蒸肉餅更
餐廳環境寬敞，細檯到大檯都有，適合一家大細或朋友共聚！
我哋坐低無耐，餐廳非常窩心地送上例湯俾我哋，入面非常足料，有大大隻雞腳同香甜既蘿蔔同冬瓜！
由於我哋都幾肚餓，我哋都好快落好單，餐廳以肉餅為主打菜式，仲有d小食同小菜！佢哋上菜既速度都幾快，落完單無耐，我哋叫既芥香四季豆已經送到！ 本來清甜既四季豆，加入日式芥末後更加開胃，少少辣，多多香！
除了小食外，我哋亦叫左佢哋推介既霸皇雞！濃郁既葱滿滿鋪在雞上，雞肉嫩滑，份量十足，足夠我哋share!
而今晚既主角，肉餅亦都好快送到嚟！ 我哋都選擇配菜飯，因為喜歡菜飯既鮮甜味，而佢哋都做到呢一點！而且菜飯既份量都十分足夠！我哋分別叫左兩款肉餅，包括金沙蛋黃煎肉餅同埋原隻波士頓龍蝦蒸肉餅！
金沙蛋黃煎肉餅做得十分惹味，面頭鋪滿流沙既咸蛋黃漿，肉餅煎得香脆，夾埋d咸蛋黃漿嚟食，非常滋味！
金沙蛋黃肉餅
$72
19 瀏覽
0 讚好
0 留言
跟住有原隻波士頓龍蝦蒸肉餅，真係用上成隻龍蝦去做，龍蝦肉混在肉餅內，蒸得軟稔，龍蝦肉就令肉餅更有咬口同多左一份鮮甜味，比起平時既蒸肉餅更出色，唔駛點任何醬汁都得！
起初我哋唔知d 餸菜份量咁大，我哋仲叫多左個海皇雜菜煲share, 而個雜菜煲份量都大，加上用料十足，入面除左有好多不同既菜，菇等蔬菜，仲有大大粒蝦仁，魷魚，瑤柱粒，魚肉，粉絲等等，蝦仁尤其爽滑彈牙！
呢餐食到我哋都好飽，而且外國朋友認識左原來有肉餅呢樣咁地道既美食，下次嚟香港要再嚟試下其他不同種類既肉餅！
張貼
