八重櫻鍋屋 (已結業)

天氣凍凍地, 首推緊係打邊爐, 今次黎到呢間日式火鍋店, 提供數款價錢選擇 ($108 - $518 A5黑毛和牛), 肉類選擇有牛, 豬及鷄, 任食90分鐘 (包甜品及咖啡汽水)我地選擇呢個澳洲和牛及特級豚肉 (期間限定 - 星期一至五)選好湯底(昆布清湯), 先黎澳洲和牛一盤, 肉質望落幾靚仔, 稍為淥一淥就食得, 配以芝麻醬一齊食, 唔錯!呢盤係特級豚肉, 外型亦算靚仔, 唔太肥, 薄薄一片淥完食都唔嚡口出面既自助區亦提供各丸類, 蔬菜及烏冬年糕, 食埋北海道牛奶雪糕, 絶對令你肚圍吋數增加