一條腸粉 (已結業)

同朋友黎旺角食野，見到呢間個名咁得意「一條腸粉」刻意刪了腸字前面個「粉」，玩味十足，決定入去食下。價錢真係有貴有便宜，價位適中。見到旁邊既客人叫潮式腸粉好吸引😍豬肉菜脯粒生菜🥬腸粉： 佈滿豬肉粒，豬肉好夠味，早早腌製好，配上咸咸地既菜脯粒，加熱辣辣滑啫啫既石磨腸粉😍生菜🥬粒同香蔥粒增加口感，食落「咔」「咔」食。👍🏽巨型手打魚蛋🐟： 好特別， 完全睇吾出一片片係魚蛋，仲要係炸過，好重充滿胡椒粉味既魚蛋，加埋黃金外皮，食落外脆內彈牙，新鮮🎈雞扎： 嘩， 大大舊好足料，脆身既腐皮包裹著滿滿內饀，磚塊🧱火腿🐽，滑嫩雞肉🐥，香噴噴既芋頭，重點係加埋吸精華既豬皮💋PERFECT MATCH ❤️蝦🦐餃： 🥟一籠有三粒，都係26 元， 蝦餃皮精瑩通透，入面係一大粒蝦🦐，真材實料，蝦好彈牙，幾實肉企身，不是焾焾一堆蝦膠。XO醬潮式啫啫腸粉： 上菜時聽到鐵板上發出既「炸」「炸」聲，吾講真係以爲啫啫雞煲要上菜 😂一彈陣蝦膏味，豉油色既腸粉，條條都煎至金黃色，配上蝦米🦐，香菇，魷魚🦑，提升左腸粉既鮮味，鐵板上既熱力令腸粉有點焦脆，脆脆地好惹味。總體來說：價位適中，食物質素不曾，即叫即做，誠意可加，會再光顧。