影片
更多
2021-04-08
79 瀏覽
肥姑姐飲食推介 - 星加坡叻沙 / 鹹蛋黃雞翼 / 馬來拉茶1）環境衛生喺東港城商場新開嘅《咖吔》雖然地方細細，但裝修富星馬特色，而且餐廳更播放馬拉/星咖坡特色的老歌，俾人一種好似去咗當地旅行嘅感覺。呢種類型嘅輕食餐廳好啱朋友同埋家庭嘅聚會。2）食物質素 星加坡叻沙 - 今日點咗星加坡叻沙，賣相一般，同menu有好大距離，但湯底好濃味，富椰奶堅果香，雖然份量唔算大，但材料每樣都算足，有一碗米線，大蝦兩隻，豆卜兩個，炸魚蛋四粒（有少少唔正宗，因為星加坡食嘅喇沙係用白魚蛋），魚片絲，芽菜，流心蛋半隻，仲有旺菜。一路食呢碗喇沙， 一路覺得好似食緊喺星加坡食嘅喇沙嘅味道，真係好想疫情快啲過，有得去星加坡旅行。鹹蛋黃雞翼 - 呢個小食比我預期中略為失色，首先雞翼真係超級細隻，雞翼有炸過所以幾香口，另外包裹雞翼嘅鹹蛋黃醬太稀仲好濕下，如果再炒乾少少會比較好，其次講下鹹蛋黃醬，唔知點解今次嘅鹹蛋黃醬完全唔咸，係淡的，而且仲帶些微嘅苦味，可能真係鹹蛋唔靚啦。應該唔會再點呢個食物。（同我當年喺星加坡食嘅鹹蛋黃炒蟹中嘅鹹蛋黃醬真係差好遠）馬來拉茶 - 真係完全唔好飲，吐司工房嘅出品都俾佢好好多。首先呢杯茶
肥姑姐飲食推介 - 星加坡叻沙 / 鹹蛋黃雞翼 / 馬來拉茶
1）環境衛生
喺東港城商場新開嘅《咖吔》雖然地方細細，但裝修富星馬特色，而且餐廳更播放馬拉/星咖坡特色的老歌，俾人一種好似去咗當地旅行嘅感覺。
呢種類型嘅輕食餐廳好啱朋友同埋家庭嘅聚會。
2）食物質素
星加坡叻沙 - 今日點咗星加坡叻沙，賣相一般，同menu有好大距離，但湯底好濃味，富椰奶堅果香，雖然份量唔算大，但材料每樣都算足，有一碗米線，大蝦兩隻，豆卜兩個，炸魚蛋四粒（有少少唔正宗，因為星加坡食嘅喇沙係用白魚蛋），魚片絲，芽菜，流心蛋半隻，仲有旺菜。一路食呢碗喇沙， 一路覺得好似食緊喺星加坡食嘅喇沙嘅味道，真係好想疫情快啲過，有得去星加坡旅行。
鹹蛋黃雞翼 - 呢個小食比我預期中略為失色，首先雞翼真係超級細隻，雞翼有炸過所以幾香口，另外包裹雞翼嘅鹹蛋黃醬太稀仲好濕下，如果再炒乾少少會比較好，其次講下鹹蛋黃醬，唔知點解今次嘅鹹蛋黃醬完全唔咸，係淡的，而且仲帶些微嘅苦味，可能真係鹹蛋唔靚啦。應該唔會再點呢個食物。（同我當年喺星加坡食嘅鹹蛋黃炒蟹中嘅鹹蛋黃醬真係差好遠）
馬來拉茶 - 真係完全唔好飲，吐司工房嘅出品都俾佢好好多。首先呢杯茶嘅茶味唔濃（飲多幾啖係飲得出佢係用唔同嘅茶葉嘅），而且佢落嘅奶亦都好奇怪，雖然口味嘅嘢係人人唔同，但係今次我唔係第一次飲馬來奶茶，但依杯絕對係我飲過最難飲嘅。
3）價格
星加坡叻沙 - HK$82 （味道OK，略貴，性價比低）
鹹蛋黃雞翼 - HK$$68/4隻 (完全唔好食)
馬來拉茶 - HK$28 (完全唔好飲)
(另收加一服務費）
4）再惠顧指數👉🏻
張貼
