維港灣餃子坊

營業中

休息中

難得係元朗搵到尼間主打餃子既店鋪。餐廳環境清雅，牆上掛左唔少有趣既畫作，透過廚房既玻璃仲可以睇到店員包餃子既過程。叫左芝士粟米拼芫茜煎餃($42)，流沙咸蛋鮮蝦餃($28)，芝士蝦丸($24)，吉列豬扒($22)。每隻餃子都係皮薄餡多，脹卜卜。第一次食芝士粟米味既餃子，好似中西合壁咁，估唔到又幾夾，餃子滲透住濃濃既芝士味，但係又唔膩，加埋粟米後提升左唔少口感。餃子有滿滿既芫茜，食落好健康。而且叫餃子會附送是日靚湯一碗，係冇添加味精既，飲落好清甜，仲有粟米添。最值得推薦既係新推出既流沙咸蛋鮮蝦餃，金燦燦又脆口嘅外皮沾滿流沙既咸蛋，賣相一流。入面係好足料既蝦膠，咬落去好爽又實。餐廳仲有多款小食選擇，吉列豬扒大份之餘仲好厚肉，炸皮唔算厚，而且又好軟熟。小食仲好近貼潮流，推出左唔少芝士類既產品，芝士蝦丸估唔到竟然會有拉芝既效果，而且蝦丸同樣打得好實，口感一流。整體，煎餃一樣，脆卜卜惹味，而且芝士產品口感唔錯。