官塘友清湯腩雲吞麵

營業中

休息中

是日因社會問題鐵路全面癱瘓，陸路交通大排長龍，連大型商場及連鎖店也大多關門。唯有留在觀塘閒逛小店以打發時間。 餓了走到觀塘廣場搵食，入咗呢間粉麪店，似乎雲吞和清湯牛腩也是主打。不過潮式紫菜四寶米線更吸引我。成碗粉唔算好大碗，四寶分別是白魚蛋、魚片頭、墨丸及魚皮餃，每樣一粒。白魚蛋同魚片都幾彈牙；墨丸的墨魚味都算出；魚皮餃都幾大粒，味道正常。而紫菜唔係淋哂放係湯度，係未燙過咁放面，所以食落會有少少咬口。不過最正都係個湯頭，通常粉麪店的湯都係大地魚湯，偏咸。不過呢間舖的湯多了一種甘甜味，同我食完碗粉後唔會口渴! 雖然以食粉來說，這個價錢同份量唔係特別扺食，少少貴，不過味道的確係贏過不少店。