海鱻城

營業中

休息中

一年一度父親節, 當然要跟老爸慶祝一下, 佢最鍾意去酒樓, 黎左呢間海鱻城.地方好大的, 好光猛, 侍應充足.老爸鍾意食海鮮, 但自己嫌麻煩好少整黎食, 所以特別要左個胡椒炒肉蟹, 隻肉蟹好大隻, 非常吸睛. 肉蟹即係多肉為主, 膏係較少, 但呢隻蟹既蟹蓋有膏, 膏味亦夠濃.蟹鉗夠粗莊, 差不多有拳頭咁大, 所以每隻腳既肉都非常多且厚, 一咬好有啖啖肉既口感, 好滿足. 而肉質味道好鮮甜, 胡椒味無蓋過清香既蟹味. 胡椒味帶少少辣味但不算強, 所以老爸都食到.除左蟹仲有炭燒黑豚肉, 即係义燒, 又係老爸至愛之一, 燒得無過火剛剛好, 個皮帶點鬆化, 肉質夠嫩, 味道唔會太咸.