榕記車仔麵 (已結業)

今日去開寶琳搵朋友，路過聞到好大陣胡椒豬肚湯味，將軍澳街坊就話帶我去食好西！😆行多幾步就見到「榕記車仔麵」個招牌。原來胡椒豬肚湯只是其中一個湯底，除此之外，仲有招牌菇菌養生雞湯、麻辣湯同豬骨清湯。招牌菇菌養生雞湯個湯底會跟雞絲，而海南胡椒豬肚湯就會跟豬肚絲，另外麻辣湯仲有不同程度的辣度。雖然見到舖頭入面人流不多，但我和朋友決左叫外賣買返屋企食。我叫的是三餸米線跟海南胡椒豬肚湯，分別有雞絲、豬軟骨同手打牛丸。雖然豬肚絲是隨湯底附送的其中一個餸，但份量都不少。海南胡椒豬肚湯好夠味，米線吸收不少湯底。下次叫外賣可以試試跟菜底，應該更好。