連文記冰室

營業中

休息中

連文記冰室天氣好凍兩點幾去搵嘢食，朋友搵咗呢間食花膠湯米線未食過就去試吓。去到已經有下午茶餐 但為咗食米線而來所以叫咗兩碗米線。花膠雞湯米線 $75湯嚟到唔夠熱，花膠都幾多件，雞比咗雞髀位好滑，有三件大大件嘅雞，湯底清甜但個人比較淡，米線有跟芫荽，唔食記得要叫走芫荽。胡椒豬肚湯米線 $69呢碗嘅湯比花膠湯熱，豬肚好食，呢碗嘅雞胸肉比較鞋口，但雞一樣係大大件，胡椒味都好濃，兩碗米線份量適中，亦都唔會煮得太稔太碎，個人覺得胡椒湯比花膠湯好食。跟米線配熱飲免費。